بعد إلحاح شديد من صديقتى الجميله مروى .. قررت ان اكتب موضوعات للنشر على المدونه .
بصراحه .... مش عارفه اكتب عن ايه او اتكلم فى ايه ؟؟؟
وبعد شويه تفكير " مش كتير " وجدت ان تفكير اى مواطن باختلاف مستواه التعليمى لا يفكر الا فى شيئين هما الحياه بالنسبه له
"المشكلات الاجتماعيه والتى تنحصر فى البحث الدائم عن الحب، والمشكلات السياسيه التى تحدد مصير امه اما بالاطمئنان او الخوف من الغد المظلم"
لن ابدأ حديثى بالكلام " فى السياسه" حتى لا اصيب نفسى ومن يقرأ مدونتى بالاحباط .... ولكنى سوف اتحدث فى بعض الامور المتعلقه بالمشكلات الاجتماعيه * او بمعناها الصحيح مشكله الناس والحب *
اريد كل من يقرأ تلك الكلمات ان يفكر للحظه وبصراحه شديده مع نفسه... ويقول لنفسه " هل صحيح ان جميع مشكلاتنا الاجتماعيه تتلخص فى حرفين فقط .. حرفين يمكن ان يجعلوا هذا العالم جنه الله على الارض، او حفرة من حفر النار"بعد الشر على الجميع " وكلنا نعرف تلك الكلمه التى تتكون من هاتين الحرفين .. **حب**
تحت هذا المسمى من منا لم يقع فى تجارب او لحظات سعيده او مشكلات ..اود فى البدايه ان اؤكد اننى على اتم استعداد ان استقبل رسائل من الزملاء قارئى المدونه عن ما تمثل لهم تلك الكلمه .... سواء احداث جميله او مشكلات يمكن ان اساعد فى حلها ... "وبخصوصيه شديده"
على فكرة ... برغم انى قابلت فى حياتى مشكلات من النوع العاطفى الذى كثيرا ما يحرق اصحابه وذلك من خلال حكايات اصحابى او من تجربتى انا الشخصيه .. الا اننى لم اصاب بإحباط او ترددت على لسانى كلمه " لا وجود للحب " فأنا احب ان ارى الحياة جميله لانها لابد ان تكون ذلك طالما هناك نهار بعد كل ظلام .. والامطار تسقط دائما بعد ان تعصف بنا الرياح ...
سوف استكمل حديثى لاحقا .. فالحديث لن ينتهى الا بإنتهاء المشكلات " التى بالطبع لن تنتهى " ..... veronica
بصراحه .... مش عارفه اكتب عن ايه او اتكلم فى ايه ؟؟؟
وبعد شويه تفكير " مش كتير " وجدت ان تفكير اى مواطن باختلاف مستواه التعليمى لا يفكر الا فى شيئين هما الحياه بالنسبه له
"المشكلات الاجتماعيه والتى تنحصر فى البحث الدائم عن الحب، والمشكلات السياسيه التى تحدد مصير امه اما بالاطمئنان او الخوف من الغد المظلم"
لن ابدأ حديثى بالكلام " فى السياسه" حتى لا اصيب نفسى ومن يقرأ مدونتى بالاحباط .... ولكنى سوف اتحدث فى بعض الامور المتعلقه بالمشكلات الاجتماعيه * او بمعناها الصحيح مشكله الناس والحب *
اريد كل من يقرأ تلك الكلمات ان يفكر للحظه وبصراحه شديده مع نفسه... ويقول لنفسه " هل صحيح ان جميع مشكلاتنا الاجتماعيه تتلخص فى حرفين فقط .. حرفين يمكن ان يجعلوا هذا العالم جنه الله على الارض، او حفرة من حفر النار"بعد الشر على الجميع " وكلنا نعرف تلك الكلمه التى تتكون من هاتين الحرفين .. **حب**
تحت هذا المسمى من منا لم يقع فى تجارب او لحظات سعيده او مشكلات ..اود فى البدايه ان اؤكد اننى على اتم استعداد ان استقبل رسائل من الزملاء قارئى المدونه عن ما تمثل لهم تلك الكلمه .... سواء احداث جميله او مشكلات يمكن ان اساعد فى حلها ... "وبخصوصيه شديده"
على فكرة ... برغم انى قابلت فى حياتى مشكلات من النوع العاطفى الذى كثيرا ما يحرق اصحابه وذلك من خلال حكايات اصحابى او من تجربتى انا الشخصيه .. الا اننى لم اصاب بإحباط او ترددت على لسانى كلمه " لا وجود للحب " فأنا احب ان ارى الحياة جميله لانها لابد ان تكون ذلك طالما هناك نهار بعد كل ظلام .. والامطار تسقط دائما بعد ان تعصف بنا الرياح ...
سوف استكمل حديثى لاحقا .. فالحديث لن ينتهى الا بإنتهاء المشكلات " التى بالطبع لن تنتهى " ..... veronica
14 comments:
ميهو: انتى انسانة رقيقة وجميلة جداجدا _ودا للى مايعرفهاش_ بس اسمحيلى اقولك ان الحب اهم شيء فى الوجود بس مش هوة كل حاجة فى حياتنا فليس بالحب وحده يحيا الانسان
انا من مؤيدى المشاعر والحب بس لما تكون من الطرفين وتتسم بالتسامح والحب والاشتياق والتضحية فى بعض الاحيان
)
عملتى طيب يا مومى انك ماتكلمتيش عن السياسه فى بداية المدونه لكن بصراحه موضوع الحب ده مش عارفه انا بالذات هتكلم عنه واقول ايه
مش هقدر اقول ان مفيش حب ومش هقدر اقول ان مفيش ناس بتخلص فى الحب لكن كل الى اقدر اقوله انى حاسه ان الدنيا دى مفهاش امان علشان كده بخاف من الحب اول ماشوفه جاى من بعيد بخبى قلبى فى ضلوعى وامنع عنيا عن انها تبوح بمشاعر انا حساها بجد
انا على فكره بحب الدنيا وبحب الناس ومش معنى انى مش حاسه بالامان انى مش بحب..... انتى قلتى انك ممكن تستقبلى شكاوى قرائك وتحاولى تحليها علشان كده فكرت اقولك مشكلتى تفتكرى ممكن أحس بالامان فى يوم من الايام ولا دايما هفضل أهرب من مشاعر يمكن فى يوم أندم انى ضيعتها؟؟؟؟؟؟
كانت مفاجأة بالنسبة لي عندما قرأت تعليقك على فتاة ليل من نوع اخر في مدونتي.. ذلك التعليق الذي زادني قلقا وحيرة.. كان قلقي في البداية ان يحدث سوء فهم، وان يترتب على كتابة الموضوع في المدونة افكار خاطئة او ان يفهم الاخرون انني اتحدث عن حبيبتي.. ولكنك انت.. الوحيدة التي تدركين ان الحكاية لا تمسني من قريب او من بعيد.. ورغم ذلك لم يكن تركيزك في الحكاية نفسها او في الفتاة التي تفعل ذلك.. لا اعرف لماذا نهرب من حقيقة موجودة في حياتنا.. ونبحث بين السطور عن متناقضات.. ولماذا البطل المصدوم هو القاسي دائما.. هل خلق الله بطلة الحكاية من نور وخلق البطل من نار.. ليه اصلا تجاهلتي الحكاية نفسها.. وكان تركيزك على بطل القصة، رغم ان مفيش بطل اصلا.. والحكاية كلها عن انسانة بتلعب بمشاعر الناس.. وهي التي تستحق التعليق.. ولا مفيش بنات بتعمل كده.. وبعدين تناقض ايه اللي بين شخصية الكاتب والبطل المصدوم.. وتجدد نشاط هذا البطل المحبط، الظالم بعض الشئ لحبيبته فى بعض التشبيهات، وتكتب قصه بطل لم يهزمه شعور بالحب ولم يندم على مشاعر عاشها بصدق.. هو ده احساسك ناحية انسان وقع في حب بنت بتلعب بمشاعره ومشاعر غيره.. واكتشف انها فتاة ليل من نوع اخر.. لو كل الناس هتفهم كده.. يبقى انا قلقان جدا
اما الحيرة.. فلاني اكتشفت ان كل الناس اللي بتقرا عايزة تعرف حاجة واحدة بس.. هي الحكاية عن مين.. الناس عايزة تعرف مين وبس.. مش مهم ايه اللي مكتوب.. او حتى مكتوب ازاي.. او فكرته ايه، دايما بتبقى المشكلة "ليه اتكتب".. وده طبعا جهل وتخلف، اولا لان الناس دايما بتربطه بمشكلة او حكاية او ظروف معينة في حياة الكاتب.. وده في حد ذاته ممكن يخليني اقفل المدونة، وابطل كتابة.. لاني في الوقت ده هكتب لناس داخلة المدونة تتفرج عليا.. وتشوف مشاكلي وتتسلط على عقلي وقلبي، وانا مش ممكن اسمح بده حتى لو كانوا اقرب الناس ليا.. وحيرتي فعلا بتزيد لما بكتشف ان اللي بيقرا مش بيقول برافوا حكاية حلوة او احساس عالي، او نوع من الكتابة زي الزفت.. يعني يقول رأيه في المكتوب باي شكل يريحه.. فجأة الاقي نفسي في عيادة دكتور نفساني، والممرضة ماسكة ايدي علشان اخد الحقنة.. ايوة مريض والدكتور بيعالجه.. رغم اني بكتب على المدونة ومش قاعد في عيادة الدكتور.. بس فجأة الاقي الدكاترة تنط على المدونة.. واللي يخترع لي اختراع ويقول لي "حدث ما كنت تريده بالفعل.. أتدرى ما الذى حدث تحولت الى الشخص الذى طالما حدثتنى عنه تحولت الى انسان قاسى يطعن دون رحمه ويجرح دون شفقه".. ويضيف "كنت اقسى البشر وانت تتحدث عن تلك الفتاه هل هذا هو الحب الذى تشعر به نحوها" في لحظة ومن غير م اخد بالي لقيت حكايتي عن الانسانة اللي بحبها.. وبقيت اقسى البشر اطعن دون رحمة واجرح دون شفقة.. بجد حرام عليكم.. انا دلوقتي حيران استمر في الكتابة ولا اقفل المدونة وابطل كتابة
انا بس حابب اعلق علي الموضوع وعلي رد مروه مفيش حياه من غير حب عشان الحب ده موجود في كل حاجه في حياتنا حب العبد لربه حب الابن لابوه حب الام وحب الاخ وحب الصديق وحب الزوج وحب الدين وحب الحياه وحب وحب وحب وحب وحب معتقدش ان في انسان حي في الدنيا من غير اي حب من دول ولا كان مات ده راي احنا مشكلتنا مش في الحرفين احنا مشكلتنا اننا ظلمين الكلمه دي وحصرينها في نطاق ضيق مع انها اسما الكلام الكلمه دي لازم تاخد حقها ده انت لو مفيش كل ده عندك كفايه حب الرب لعبده الي هو خلقه العبد الي لو تقرب زراع تقرب ربه اليه باع ياريت مكنش ضيقت حد بردي بس انا حابب اننا نبقي متفقلين
اما بالنسبه للنطاق الضيق للكلمه علي حب الحبيبن الي انتو بقي بتتكلمو عليه فهمو بالنسبه لي لحظات سعاده كل ما تسمع صوته تكلمه تشوفه انا عن نفسي بخدها كلها بصمت ومش بتكلم بسيبها سعاده داخليه وكل واحد فينا لي طريقه في التعبير عنها
اصعب حب ايه هو اصعب حب حد حس باصعب حب ده هل اصعب حب ان تلاقي الي تحبه مبيحبكش
بصراحه اصعب حب في رايي الحب الي من غير قصه ولو حتي فشله اصعب حب بجد اما تحب ومتقدرش حتي تقول بحبك اصعب حب انك تعيش بتتمني حاجه مش قادر حتي تحارب عشنها انك تخاف تقول بحب تفقد حبيبك كتير منكم هيقولو انه ضعف وكتير هيقولو جبن بس الي يعرفه بجد هيعرف انه حب حقيقي سؤال هساله وياريت اجابه لو ليكي صديق او ليكي صديق بتحبيه والصديق ده في عشره سنين ممكن تقولي له بحبك ممكن تضحي بالصداقه وتقوليها مع انك هتفقديه لو موافقش حتي لو قال خلينا اصحاب عمره ما هيبقي زي ما كان انا مش بفكر في كلامي عشان كده مش مرتبه بس انا بتكلم بحساسي ياه اما تشوف حببيك وتخاف عينك تقول الي في قلبك ياه اما تبقي سامع صوته وتخاف تضعف قدام حبك المشكله ان الحب ده مش بيتنسي بتفضل عايش معاه كل لحظه اصعب حب انك متقدرش تقول بحبك
ممكن تسمحيلى يا مومى انى أعلق على الى كاتبه صديقنا المحبوب مودى..... انا عاوزه اقوله حاجه مهمه انا عارفه ان الحب أسمى حاجه فى الوجود وان ممكن الانسان يكتفى بنظره من الى بيحبه ده مش كده وبس ده بيبقى عاوز يسمع صوته على طول عاوز يفضل يتكلم فى اى حاجه وعن اى حاجه لمجرد انه يحس انه معاه حتى لو حبيبه ده مش حاسس بيه بس فى سؤال مهم يا مودى ... لحد امتى؟؟؟؟ انا شايفه ان رغم ان النوع ده من الحب ممكن يكون اسمى واطهر الانواع لكن برضه الحب الحقيقى انك تكون مصمم ان حبيبك ده هيفضل معاك للابد وانه مش هيكون لحد تانى ... عارفه انك هتقولى ممكن لما يصارحه بحبه مايرجعوش اصحاب تانى بس فى نفس الوقت مش معقول هيفضل مدارىعلى حبه من عيون حبيبه لحد مايلاقيها لابسه فستان ابيض وقاعده فى الكوشه مع حد تانى ويكتفى انه يقولها .... ألف مبروك وأتمنالك حياه سعيده
مهما كان الانسان ده ملاك ومهما كان بيتمنى السعاده لحبيبته ونفسه يشوفها احسن واحده فى الدنيا مش ممكن يقبل انها تكون لغيره علشان هو كان خايف يصارحها انا شايفه انه يسيبها على ربنا ويصارحها بمشاعره الى جواه ويقولها انه بيحبها لدرجة انه ممكن يفديها بدمه لو حس فى يوم انها محتجاله... أنا شايفه يا مودى ان القصه دى لازم يبقالها بدايه علشان يعرف الانسان ده يعيش البدايه
والله رايك كويس بس تفتكري يصارحها مع ان مجرد التلميح في مره من المرات للموضوع ده كان مرفوض رفض قوي تفتكري انه يضحي بانه يفضل يكلمها ويقول الكلام ده اعتقد انه هيفقد كتير اوي اعتقد انك فهمتيه يادري من نطاق الضعف بس انا مقولتيش انه ضعيف لانه قادر انه يقولها ويقول كل الي عايزه بس قوته في مسك لسانه عشان ميفقدهاش بدليل انه لمح لها قبل كده وكان الرفض من اول الطريق
اولا احب ان اعبر عن مدى سعادتى فى نجاح المدونه على فتح حوار جميل متعدد الاطراف بين اصدقائى الجمال جدا جدا.. والتعرف على بعض الاراء التى لم يتسنى لنا الوقت من قبل ان نعرف افكار بعضنا البعض فى كثير من الموضوعات على المستوى الانسانى.
صديقى الجميل : مودى
طبعا انا قرأت موضوعك الذى قمت فيه بعرض موضوع حيوى جدا وهو " اصعب حب".
اختلف معك يا محمد فى اختيارك للحاله التى يقال عنها انها اصعب حب .. لاننى ارى - من وجهة نظرى - ان اصعب حب ليس الذى تحب فيه شخص لا يحبك او يشعر بك .. وانما الاصعب عندما تحب شخص ويبادلك نفس الشعور لفترة ،، ثم يتغير شعوره تجاهك ويبدأ هذا الحب ينقص - من جانبه فقط - حتى يختفى تماما وانت لا تدرى وغير متوقع انه انتهى .. وتجد نفسك تعيش فى عالم غريب تحب فيه وحدك تبنى الاحلام والامال وتعيش قصه حب من طرف واحد والسبب عدم مصارحه الاخر بأنه فقد حبه لك ،، وبعد ان تفيق من الصدمه تكون قد تأخرت كثيرا فحبيبك الذى يجاريك فى التصرف وبعض المشاعر المنتهيه -لحبك انت فيه - وليس للمشاعر المتبادله بينكم - قد صنع لنفسه عالم اخر وجد فيه من يحب من جديد دون حتى ان يعطيك فرصه لتتعلم كيف تعيش الحياة بدونه .. هذا رايي الشخصى وارحب بأى تعليق عليه سلبا او ايجابا .
اما عن النقطه الاخرى يا صديقى الجميل فكما قلت لك من قبل ان صاحب المشكله عليه ان يعرف قصته تلك التى يخفيها بين ثنايا قلبه والتى يخاف ان يحسر بها صداقه عمره يجب ان يكون قد علم من خلال الحوار او عشرة السنين التى تقول عليها هل تلك الفتاه تخاف على صداقتها فتهرب من وهم الارتباط الذى لا وجود له ، ام هى مرتبطه ولم تستطيع اخبار صديقها ، ام انها لا تفكر فى الارتباط من الاساس ،ام انها لا ترى صديقها هذا فى مكانه اكبر من كونه صديق ... وفى كل الحالات هى تحاول ان لا تخسره لانها تخاف على صداقتهم كما يخاف هو عليها وتلك هى اجمل وانبل المشاعر الانسانيه التى نعيشها عندما نرى تنازل واضح عن مشاعر عاطفيه فى مقابل الحفاظ على صداقه لن يمحيها اى شئ ،، فكل العلاقات الانسانيه وخاصه العاطفيه منها قابله للزوال والانتهاء واقرب مثال كلمه بسيطه - انت طالق -على سبيل المثال .. لكن الصداقات هى العلاقه الانسانيه الوحيده التى لا تمحوها كلمه ولا اثنان ولا ثلاث .. وانما تظل للابد مادام يتخللها الاحترام الدائم بين الطرفين ... ارجو ان اكون قد وفقت فى الرد عليك وان تكون ارائى اقرب للواقع ... VERONICA
انا سعيد جدا انك فكرتي تردي عليا بس ممكن اسالك علي حاجه واسال كل الي بيطلع علي المدونه علي حاجه هو الي يحب بجد ويلاقي تبادل للمشاعر مع حبيبه ممكن يتلاشه حبه زي ما انتي بتقولي اعتقد انك مينفعش الي بيحب عمره ما بينسه حبه والي بينسي حبه هو مكنش بيحب اساسا ده كان شعور تاني مستحيل نسميه حب حب حقيقي فيمكن قصدك تقريبا انه كان بيتهياله من حبيبه انه كان بيحبه كده يبقي المثال سليم وده رايي ومين عالم صح ولا غلط بس انا صداع بقي وبحب اقول رايي دايما وهتتخنقو مني قريب عارف بس بقي اختلاف الاراء رحمه من ربنا وياريت الي عنده تعليق يقوله
اســـلام فـاروق
انك تختارى موضوع الحب عشان تتكلمى فيه مش غريبة عليكى لانك بطبعك رقيقة يا مومى واللى يعرفوكى هايقولوا نفس كلامى انك شخصية رقيقة ولذيذة وفى نفس الوقت عصبية لازم تحاولى تتخلصى منها عشان تبقى حاجة محصلتش وعايز اقولك ان زى ما الشمس مقترنة بالدفء والورود مقترنة بالجمال فاسمك عندى مقترن بالرقة والجمال
اسف نسيت اقول ان اكبر دليل على كلامك صورتك
السلام عليكم اخت مها
من حسن حظى انى حصلت على مدونتك بالصده فقد كنت ابحث ن قصيده ثورة الشك ولفتت مدونتك انتباهى
اتمنى ان نكون اصدقاء
انا اسمى صالح من مصر من مدينه المحله
الكبرى غربية
وبعمل الان محاسب فى السعوديه
ودا ايميلى
salehqq@yahoo.com
salehqq@hotmail.com
اتمنى ان نتواصل معا
وشكرا علىمجهوداتك الجميله فى مدونتك الرقيقة دى واتمنى ليها النجاح والاستمراريه
Post a Comment